Сайтка кириу

Өртке итибарлы болайық

Өртке итибарсызлықтыӊ ақыбети бахытсыз хәдийселерге алып келетуғынлығы бизиӊ бәршемизге де ашық – айдын белгили. Деген менен усы қәӯип-қәтерли есапланған жағдайларға бийпарӯа қараған пуқаралардыӊ турақ жайларында ҳәм мал қораларында бирқанша өртлер жүз берип атыр. Өртлердиӊ келип шығыӯ себеплери көпшилик жағдайларда итибарсызлық пенен қарап, жас өспирим балалардыӊ шырпы менен ойнаӯы газ ҳәм электр үскенелерин жағып қараӯсыз қалдырып кетиӯи нәтийжесинде пайда болмақта. Усылардыӊ алдын алыӯ мақсетинде өрт қәӯипсизлиги бөлимшесиниӊ хызметкерлери тәрепинен мәкан пуқаралар жыйынларында, мектеп ҳәм бала-бақшаларда, өзин-өзи басқарыӯ уйымларында пуқаралар менен ушрасыӯлар өткерилип, өртлердиӊ пайда болыӯ себеплери ҳаққында кеӊ түрде түсиник жумыслары алып барылмақта. Соған қарамастан өрттлердиӊ пайда болыӯ фактлери ушрасып атырғаны сөзсиз. Айрым пуқаралар атираптыӊ тазалығына қарайман деп шөп қалдықларын ҳәр қыйлы патаслықларды турак жай, мал қора, кишкене атызыныӊ қасында өртейди. Соӊынан оны толық өширип, көмип таслаӯға әҳмийет бермеӯинен көпшилик жағдайда өрт келип шығады.
Өртти өширгеннен көре оныӊ алдын алыӯ абзал екенлиги бәршемизге де белгили. Соныӊ ушын да ҳәр бир пуқара өз үйлеринде төмендеги белгиленген өрттен сақланыӯ қәделерин булжытпай орынласақ өз үйлеримизди тилсиз жаӯ деп аталған өрт бәлесинен сақлаған болар едик ;
-балаларды шырпы менен ойнатпаӯ ҳәм олардыӊ сыртынан қулпырып қараӯсыз қалдырмаӯ;
-газ 6скенелерин резина шланкалар менен жалғамастан қағыйдаға сай пайдаланыӯ;
-үй дөгерегин тез жанғыш материаллар ҳәм ҳәр түрли тасланды шөплерден тазалап қойыӯ;
-өртке итибарсызлық пенен қарамаӯ.
Өз үйлериӊизде өртти болдырмаӯ ҳәм бахытсыз ҳәдийселердиӊ алдын алыӯда жоқарыда көрсетип өтилген өрт қәӯипсизлиги қағыйдаларын турақлы түрде орынлап барсаӊыз қәӯипсизлик әлбетте сақланады. Барлық ӯақытта өрт қәӯипсизлик қәделерине итибарлы болған абзал.
Т.Джаримбетов
Кегейли районы ӨҚБ инспекторы
лейтенант